ఆరు గ్యారంటీలతో అభివృద్ధికి నాంది: వీర్లపల్లి

నందిగామలో కాంగ్రెస్‌ అభ్యర్థికి గజమాలతో కార్యకర్తల స్వాగతం

నందిగామ, కొత్తూరు, జిల్లేడుచౌదరిగూడెం, కేశంపేట, న్యూస్‌టుడే: కాంగ్రెస్‌ ప్రభుత్వం ఏర్పాటైన వెంటనే అమలు చేసే ఆరు గ్యారంటీలే అభివృద్ధికి నాంది అని ఎమ్మెల్యే అభ్యర్థి వీర్లపల్లి శంకర్‌, మాజీ ఎమ్మెల్యే చౌలపల్లి ప్రతాప్‌రెడ్డి అన్నారు. మంగళవారం వారు నందిగామ, కొత్తూరు, జిల్లేడుచౌదరిగూడెం మండలాల్లో సుడిగాలి పర్యటనతో ప్రచారం చేశారు. ఈ సందర్భంగా వీర్లపల్లి  మాట్లాడుతూ.. మండల కేంద్రంతో పాటు తెలంగాణ ఇచ్చిన సోనియగాంధీ రుణం తీర్చుకోవడానికి ప్రతి ఒక్కరూ చేతి గుర్తుకు ఓటేసి కాంగ్రెస్‌ను గెలిపించాలని కోరారు. కేశంపేట మండల పరిధిలో వీర్లపల్లి శంకర్‌ సతీమణి అనురాధ ప్రచారం నిర్వహించారు.

షాద్‌నగర్‌పట్టణం: రాష్ట్ర వ్యాప్తంగా కాంగ్రెస్‌ సునామీ సృష్టించడం ఖాయమని నిర్మాత, నటుడు బండ్ల గణేష్‌ అన్నారు. మంగళవారం పట్టణంలో మాజీ ఎమ్మెల్యే ప్రతాప్‌రెడ్డి ఆధ్వర్యంలో జరిగిన రోడ్‌షోలో ఆయన మాట్లాడుతూ.. రానున్నది కాంగ్రెస్‌ ప్రభుత్వమే కాబట్టి శంకర్‌ను భారీ మెజారిటీతో గెలిపించాలని కోరారు.