కమాండ్‌ కంట్రోల్‌ రూంల ఏర్పాటు

ఈనాడు, హైదరాబాద్‌: శాసనసభ ఎన్నికల పోలింగ్‌ ప్రక్రియను పోలింగ్‌ కేంద్రాల వద్ద ఏర్పాటు చేసిన సీసీ కెమెరాలు, బూత్‌లలో అమర్చిన వెబ్‌ కెమెరాల ద్వారా ప్రత్యక్షంగా పరిశీలించేందుకు రంగారెడ్డి, మేడ్చల్‌ జిల్లాల కలెక్టర్‌ కార్యాలయాల్లో కమాండ్‌ కంట్రోల్‌రూంలను ఏర్పాటు చేశారు. బుధవారం సాయంత్రం నుంచి గురువారం అర్ధరాత్రి వరకూ ఎన్నికల ప్రక్రియకు సంబంధించిన ప్రతి అంశాన్ని సీసీ కెమెరాలు, వెబ్‌ కెమెరాలు చిత్రీకరించనున్నాయి. వాటన్నింటినీ కలెక్టర్‌ కార్యాలయంలోని కమాండ్‌ కంట్రోల్‌ రూంకు అనుసంధానించారు. జీహెచ్‌ఎంసీ ప్రధాన కార్యాలయంలోనూ కంట్రోల్‌ రూం ఏర్పాటు చేశారు. సెక్టోరియల్‌ అధికారులు పోలింగ్‌ కేంద్రాల నుంచి మాక్‌ పోలింగ్‌, పోలింగ్‌ శాతం, క్యూ లైన్‌ వివరాల  సమాచారాన్ని ఈ కంట్రోల్‌ రూమ్‌కు పంపిస్తారని అధికారులు తెలిపారు. వారు సకాలంలో పంపించని పక్షంలో సంబంధిత సెక్టార్‌ కార్యాలయానికి ఫోన్‌ చేసి సమాచారాన్ని సేకరిస్తారు.