రెండు చోట్ల ఉండడమే కారణమా?

ఈనాడు, హైదరాబాద్‌: నగరంలో పోలింగ్‌ శాతం ప్రతి ఎన్నికల్లో తగ్గడమే కానీ పెరగడం లేదు. ఈసారి కూడా దాదాపు సగం మందే ఓటేశారు. మిగతా సగం ఏమైనట్లు? ప్రధానంగా రెండుచోట్ల ఓట్లు ఉండటమే కారణంగా కనబడుతోంది. ఇక్కడ గుర్తింపు కార్డు కోసం ఓట్లు నమోదు చేసుకుంటున్నవారే అధికం. పాతబస్తీ కేంద్రంగా ఉన్న నియోజకవర్గాల్లో పోలింగ్‌ శాతం అత్యల్పంగా ఉంది. ఇక్కడి ఓటర్లలో చాలామంది గల్ఫ్‌లో ఉద్యోగ, ఉపాధి కోసం వెళ్లినవారు ఉన్నారు. వీరు ఓటు వేయలేకపోయారు. పోలింగ్‌ తగ్గడానికి ఇది కూడా ఒక కారణం. మరోవైపు కొందరు విదేశాల నుంచి వచ్చి ఓటు వేసిన వారున్నారు.