మంగళ్‌హాట్‌ ఎస్సైఅంబికకు రివార్డు

రివార్డులు స్వీకరించిన అంబిక, వినయ్‌కుమార్‌, కృష్ణకుమారితో సీపీ

అబిడ్స్‌: అసెంబ్లీ  పోలింగ్‌ సందర్భంగా రెండు రాజకీయ పార్టీలకు చెందిన పురుషులు, మహిళలు గొడవపడుతూ శాంతిభద్రతలకు విఘాతం కల్గించేలా వ్యవహరిస్తున్న సమయంలో అక్కడే విధుల్లో ఉన్న మంగళ్‌హాట్‌ మహిళా ఎస్సై జి.అంబిక ప్రదర్శించిన ధైర్యసాహసాల్ని ప్రశంసిస్తూ నగర పోలీసు కమిషనరు ఆమెకు రివార్డు అందజేశారు. అదేవిధంగా హబీబ్‌నగర్‌ ఠాణా పరిధిలోని పోలింగ్‌ బూత్‌లో కొందరు బోగస్‌ ఓట్లు వేయడానికి రాగా వారిని ధైర్యంతో నిలువరించి కేసు నమోదు చేయించినందుకు సీఎస్‌డబ్ల్యూ కానిస్టేబుల్‌ వినయ్‌కుమార్‌, విధుల్లో పాల్గొన్న మరో మహిళా కానిస్టేబుల్‌ కృష్ణకుమారిని కూడా సీపీ అభినందించి రివార్డు అందజేశారు.