పరారీలో లాంగ్‌ డ్రైవ్‌ సంస్థ యజమాని హరిదీప్‌రెడ్డి

ఈనాడు- హైదరాబాద్‌: ఉద్యోగం మానేసినందుకు ఏడుగుర్ని బంధించి చితకబాదిన వ్యవహారంలో మేడిపల్లిలోని లాంగ్‌ డ్రైవ్‌ కార్ల సంస్థ నిర్వాహకుడు హరిదీప్‌రెడ్డి కోసం పోలీసులు ప్రత్యేక బృందాలతో సాంకేతికత ఆధారంగా గాలిస్తున్నారు. ఘటన అనంతరం నిందితుడు పొరుగు రాష్ట్రాలకు పరారైనట్లు సమాచారం అందింది. ఈ కేసులో హరిదీప్‌రెడ్డి సహా 9 మంది పరారీలో ఉన్నారు. ఈ ఈ సంస్థలో ఉద్యోగం మానేశారని నెల 12న ఇద్దరు యువతులు సహా ఏడుగుర్ని సంస్థ యజమాని సహా మరికొందరు కలిసి బంధించి చితకబాదిన విషయం తెలిసిందే. అదే రోజు అర్ధరాత్రి ఫిర్యాదు అందుకున్న మేడిపల్లి పోలీసులు కేసు నమోదు చేశారు. అనంతరం బాధితుల స్టేట్‌మెంట్‌ ఇతర ఆధారాలు సేకరించి 13న ఎస్సీ, ఎస్టీ వేధింపుల నిరోధక చట్టం కింద మార్చి దర్యాప్తు చేస్తున్నారు.