ఆహారకల్తీకి అడ్డుకట్ట

ఈనాడు, హైదరాబాద్‌: ఆహారకల్తీ నియంత్రణ విభాగం అధికారులను జోన్లకు కేటాయిస్తూ కమిషనర్‌ రోనాల్డ్‌రాస్‌ నిర్ణయం తీసుకున్నారు. ప్రస్తుతం ఆరోగ్య విభాగం అదనపు కమిషనర్‌ కింద ఫుడ్‌ సెక్యురిటీ అధికారులు పని చేస్తున్నారు. పూర్తిస్థాయిలో సిబ్బంది ఉన్నా కొన్నేళ్లుగా పనితీరు సరిగా ఉండటం లేదనే ఫిర్యాదులున్నాయి. తనిఖీలు, సేకరించే నమూనాల సంఖ్య తగ్గుతోంది. ఈ నేపథ్యంలో రోనాల్డ్‌రాస్‌ అధికార వికేంద్రీకరణకు చర్యలు తీసుకున్నారు. ఎఫ్‌ఎస్‌ఓలను జోన్లకు కేటాయిస్తూ.. సంబంధిత జోనల్‌ కమిషనర్ల ఆధ్వర్యంలో రోజువారీ బాధ్యతలను నిర్వర్తించాలని ఆయన ఉత్తర్వు జారీ చేశారు.