షణ్ముఖ్‌ జశ్వంత్‌కు 41ఎ సీఆర్‌పీసీ నోటీసు

నార్సింగి న్యూస్‌టుడే: గంజాయితో పట్టుబడిన కేసులో యూట్యూబర్‌, బిగ్‌బాస్‌ ఫేమ్‌ షణ్ముణ్‌ జశ్వంత్‌కు వైద్యపరీక్షలు నిర్వహించి తదుపరి విచారణకు హాజరుకావాలని 41ఎ సీఆర్‌పీసీ కింద నోటీసులు జారీ చేసినట్లు నార్సింగి ఇన్‌స్పెక్టర్‌ హరికృష్ణారెడ్డి తెలిపారు. వైద్య పరీక్షల నివేదిక 15 రోజుల్లో వస్తుందన్నారు. ఓ యువతిని   పెళ్లి చేసుకుంటానని నమ్మించి మోసగించిన కేసు విచారణ కోసం పుప్పాలగూడలోని సంపత్‌ వినయ్‌ ఇంటికి వెళ్లిన పోలీసులకు ఆ ఇంట్లో అతని సోదరుడు షణ్ముఖ్‌ జశ్వంత్‌ 18 గ్రాముల గంజాయితో పట్టుబడిన విషయం తెలిసిందే. ఈ మేరకు నార్సింగి పోలీసులు షణ్ముఖ్‌ జశ్వంత్‌పై కేసు నమోదుచేసి దర్యాప్తు చేపట్టారు.