రాష్ట్రపతి నిలయానికి పోటెత్తిన విద్యార్థులు

బొల్లారం, న్యూస్‌టుడే: జాతీయ వైజ్ఞానిక దినోత్సవ వేడుకలు తిలకించడానికి బొల్లారంలోని రాష్ట్రపతి నిలయానికి విద్యార్థులు పోటెత్తారు. మూడు రోజుల వేడుకల్లో మంగళవారం పరిశోధన, అభివృద్ధి సంస్థల సాంకేతికతకు సంబంధించి స్టాల్స్‌ ప్రదర్శన, జనవిజ్ఞాన వేదిక ఆధ్వర్యంలో పుస్తక ప్రదర్శన నిర్వహించారు. ఇస్రో మిసైల్స్‌, చంద్రయాన్‌ రాకెట్‌, ఉపగ్రహాల తయారీలో సాంకేతిక పరిజ్ఞానం, ఒనగూరే ప్రయోజనాలను విద్యార్థులు తెలుసుకున్నారు. కొన్ని పాఠశాలల విద్యార్థుల ఆవిష్కరణల్లో మానవ రహిత రక్షణశాఖ విమానాలు, రాడార్‌కు చిక్కకుండా బాంబులువేసే బీ2 యుద్ధ విమాన నమూనాలు ప్రత్యేక ఆకర్షణగా నిలిచాయి.