మార్చి రాక.. మొదలైన కాక

ఈనాడు, హైదరాబాద్‌: నగరంలో పగటి ఉష్ణోగ్రతలు ఒక్కసారిగా పెరిగిపోయాయి. మార్చి రాకతో కాక మొదలైంది.  శనివారం మోండా మార్కెట్‌లో గరిష్ఠంగా 38.6 డిగ్రీలు, సరూర్‌నగర్‌లో 38.3 డిగ్రీల ఉష్ణోగ్రత నమోదైంది. అత్యధిక ప్రాంతాల్లో 35 నుంచి 37 డిగ్రీల మధ్య ఉష్ణోగ్రతలు రికార్డయ్యాయి. సాధారణం కంటే నాలుగైదు డిగ్రీలు ఎక్కువగా నమోదవుతున్నాయి. ఉక్కపోత మొదలైంది. రాత్రి ఉష్ణోగ్రతలు సైతం పెరుగుతున్నాయి. 24 గంటలు ఫ్యాన్లు, ఏసీలు తిరుగుతుండడంతో నగరంలో విద్యుత్తు డిమాండ్‌ పెరిగింది. 3300 మెగావాట్ల వరకు కరెంట్‌ డిమాండ్‌ ఉంది.