మహిళ మెడలో బంగారం చోరీ

కాప్రా: రోడ్డుపై నడుచుకుంటూ వెళ్తున్న ఓ మహిళ మెడలో బంగారాన్ని తెంచేసి పరారైన ఘటన కుషాయిగూడ ఠాణా పరిధిలో చోటుచేసుకుంది.  ఏసీపీ మహేష్ తెలిపిన వివరాల ప్రకారం.. కుషాయిగూడ నాగార్జునగర్‌లోని లక్ష్మీనర్సింహ కాలనీకి చెందిన ఆషపు పార్వతీశం ప్రైవేటు ఉద్యోగం చేస్తున్నాడు. ఆయన భార్య ఆషపు రూప (29) ఇంటి వద్దే కుట్టు (టైలరింగ్) పనులు నిర్వహిస్తోంది. బుధవారం మధ్యాహ్నం షాపుకు నడుచుకుంటూ వెళుతుండగా వెనకనుంచి వచ్చిన దుండగులు ఆమె మెడలోని రెండు తులాల బంగారు గొలుసును తెంచుకుని పారిపోయారు. పోలీసులు కేసు నమోదు చేసుకుని దర్యాప్తు చేపట్టారు.