ఎన్నికల సిబ్బందికి అభినందన

ఎన్నికల సిబ్బందితో కలెక్టర్‌ ముజామిల్‌ఖాన్‌, అదనపు కలెక్టర్‌ అరుణశ్రీ

గోదావరిఖని, న్యూస్‌టుడే: ఎలాంటి వివాదం తలెత్తకుండా ఎన్నికలు ప్రశాంతంగా నిర్వహించారని జిల్లా కలెక్టర్‌ ముజామిల్‌ఖాన్‌ అన్నారు. ఎన్టీపీసీలో గురువారం సాయంత్రం రామగుండం ఎన్నికల అధికారులు, సిబ్బందితో సమావేశం నిర్వహించారు. వివాదాలకు తావులేకుండా విజయవంతంగా ఎన్నికలు నిర్వహించేందుకు సహకరించిన అధికారులు, సిబ్బందిని ప్రశంసించారు. అదనపు కలెక్టర్‌, ఎన్నికల అధికారి అరుణశ్రీతో పాటు సహాయ ఎన్నికల అధికారులు కుమారస్వామి, జ్యోతి, నోడల్‌ అధికారి నాగేశ్వర్‌, మీడియా బాధ్యురాలు రజనితో పాటు సిబ్బంది పాల్గొన్నారు.