ముసురు పట్టిన వాతావరణం

బెంగళూరు (గ్రామీణం), న్యూస్‌టుడే : తుపాను ప్రభావంతో బెంగళూరు, రామనగర, హాసన, కొడగు, విజయనగర, విజయపుర, బెళగావి, బీదర్‌, ధార్వాడ, గదగ, హావేరి, కొప్పళ, చిత్రదుర్గ, దావణగెరె, మండ్య, మైసూరు, శివమొగ్గ, తుమకూరు, శివమొగ్గ, బళ్లారి, కోలారు, చిక్కబళ్లాపుర జిల్లాల్లో వాతావరణం ఒక్కసారిగా మారిపోయింది. పలు ప్రాంతాల్లో సోమవారం ఉదయం నుంచి ఆకాశం మేఘావృతమై వాన కురిసేలా అనిపించింది. విపరీతమైన చలివాతావరణం ఆవరించింది. కొన్ని చోట్ల జల్లులు కురిశాయి. తుపాను ప్రభావం గురువారం వరకు ఉంటుందని వాతావరణ శాఖ అధికారి ప్రసాద్‌ తెలిపారు. సోమవారం నుంచి గురువారం వరకు ఉరుములు, మెరుపులతో భారీ వర్షాలు కురుస్తాయని వాతావరణ శాఖ అంచనా వేస్తోంది. కొన్ని చోట్ల రైతులు వర్షం కోసం ఎదురు చూస్తున్నారు.