పేదల సమస్యలు పరిష్కరించాలంటూ నిరసన

ఇల్లందు గ్రామీణం: పేదల సమస్యలు పరిష్కరించాలంటూ  ఇల్లందు ఎంపీడీవో కార్యాలయంలో  సీపీఎం ఆధ్వర్యంలో  నిరసన వ్యక్తం చేశారు. భద్రాద్రి జిల్లా ఇల్లందు మండలం రాజీవ్‌నగర్‌లో నివాసం ఉంటున్న పేదలకు ఇళ్ల పట్టాలు ఇవ్వాలని,  మంచినీటి సమస్యను పరిష్కరించాలని  సీపీఎం జిల్లా నాయకుడు అబ్దుల్ నబీ డిమాండ్ చేశారు.  అదేవిధంగా యాకయ్య నగర్‌లో ఐదేళ్లుగా తాగునీరు, మౌలిక సదుపాయాలు తదితర సమస్యలతో  పేదలు ఇబ్బందులు పడుతున్నారన్నారు. రాష్ట్రప్రభుత్వం ఇందిరమ్మ పథకం ద్వారా వారికి ఇళ్లు నిర్మించాలని డిమాండ్ చేశారు. ఎన్నికల కోడ్‌ నేపథ్యంలో ఆలస్యం చేసిన అధికారులు ఇకనైనా సమస్యలు పరిష్కరించాలని కోరారు.