జాతీయ పోటీలకు విద్యార్థుల ఎంపిక

సత్తుపల్లి: జాతీయ స్కూల్‌ గేమ్స్‌ పోటీలకు ఉమ్మడి ఖమ్మం జిల్లా నుంచి ఐదుగురు విద్యార్థులు ఎంపికైనట్లు కరాటే శిక్షకుడు వి.పిచ్చయ్య గురువారం  తెలిపారు. నల్గొండలో మంగళ, బుధవారాల్లో జరిగిన రాష్ట్ర స్కూల్‌ గేమ్స్‌ పోటీల్లో ఉమ్మడి ఖమ్మం జిల్లాలో అండర్‌-14 బాలుర విభాగం నుంచి ఖమ్మానికి చెందిన ఎండీ అబ్దుర్‌రిహబ్‌ 35 కేజీల క్యాటగిరీ, సత్తుపల్లికి చెందిన జి.ఉదయ్‌కిరణ్‌ 60 కేజీల క్యాటగిరీ, అండర్‌-17 బాలికల విభాగం నుంచి తల్లాడకు చెందిన కటికి నిఖిత, అండర్‌-17 బాలుర విభాగం నుంచి సయ్యద్‌ ఆదిల్‌పాషా 58 కేజీల క్యాటగిరీ, కొత్తగూడెంకు చెందిన డి.సాయివరుణ్‌ 74 కేజీల క్యాటగిరీకి ఎంపికైనట్లు తెలిపారు. వీరంతా ఈనెల 16, 19న దిల్లీలో జరిగే జాతీయ స్కూల్‌ పోటీల్లో పాల్గొననున్నారని చెప్పారు.