ప్రతి ఒక్కరూ ఓటు హక్కును వినియోగించుకోవాలి

నంద్యాల గాంధీ చౌక్ :  ప్రతి ఒక్కరూ ఓటు హక్కును వినియోగించుకోవాలని జిల్లా కలెక్టర్ డాక్టర్ శ్రీనివాసులు పిలుపునిచ్చారు. శనివారం పట్టణంలోని పురపాలక కార్యాలయం నుంచి ఆర్టీసీ బస్టాండ్ వరకు ఓటర్ అవగాహన ర్యాలీ నిర్వహించారు. ఈ కార్యక్రమాన్ని కలెక్టర్‌ జెండా ఊపి ప్రారంభించారు. ఈ సందర్భంగా ఆయన మాట్లాడుతూ మే 13న జరిగే ఎన్నికల్లో ప్రతి ఒక్కరూ ఓటు హక్కును వినియోగించుకోవాలన్నారు. ఎలాంటి ప్రలోభాలకు లొంగకుండా ఓటు వేయాలన్నారు. ఈ  కార్యక్రమంలో పురపాలక కమిషనర్ నిరంజన్ రెడ్డి, తహసీల్దార్ చంద్రశేఖర్ రెడ్డి , ఎంహెచ్ఓ అంకిరెడ్డి, డీఈ శ్రీనివాసరెడ్డి, టౌన్ ప్లానింగ్ అధికారి నరసింహమూర్తి, మెప్మా అధికారి విజయభాస్కర్ రెడ్డి, శానిటరీ ఇన్‌స్పెక్టర్‌  లక్ష్మీనారాయణ శర్మ, శివప్రసాద్ రెడ్డి, అధికారులు, సిబ్బంది పాల్గొన్నారు..