బహుజనులు రాజ్యాధికారం సాధించాలి

రైతునగరం(నంద్యాల): బీసీల రిజర్వేషన్ పితామహుడు బిందేశ్వర్ ప్రసాద్ మండల్ స్పూర్తితో బహుజనులంతా రాజ్యాధికారం సాధించాలని సమాజ్‌వాదీ పార్టీ రాయలసీమ జిల్లాల కోఆర్డినేటర్ పాండురంగ యాదవ్, నంద్యాల జిల్లా అధ్యక్షుడు పెరుగు శివ కృష్ణయాదవ్ అన్నారు. శనివారం పట్టణంలోని స్థానిక పార్టీ కార్యాలయంలో బీపీ మండల్ వర్ధంతి సందర్భంగా నాయకులు ఆయన చిత్ర పటానికి పూల మాలలు వేసి నివాళులర్పించారు. ఈ సందర్భంగా వారు మాట్లాడుతూ నేటి సమాజంలో సామాజిక న్యాయం అందరికీ అందాలంటే సమాజ్‌వాదీ పార్టీ అధికారంలోకి రావాలన్నారు. ఈ కార్యక్రమంలో నాయకులు రాజేష్, షేక్ ఫరీదాబీ, సుబ్బరాయుడు, ధనుంజయ యాదవ్, శ్రీనివాసగౌడ్, మనోహరాచారి పాల్గొన్నారు.