బాలనాగిరెడ్డి కుటుంబ పాలనకు చరమగీతం పాడాలి

నమస్కరిస్తున్న తెదేపా అభ్యర్థి రాఘవేంద్రరెడ్డి

పెద్దకడబూరు, న్యూస్‌టుడే: మూడుసార్లు ఎమ్మెల్యేగా గెలుపొంది అభివృద్ధి చేయని బాలనాగిరెడ్డి కుటుంబ పాలనకు చరమ గీతం పాడాలని మంత్రాలయం తెదేపా అభ్యర్థి రాఘవేంద్రరెడ్డి అన్నారు. శనివారం  మండలంలోని తారాపురం గిడ్డాంజనేయ స్వామి సన్నిధి నుంచి ఎన్నికల ప్రచారాన్ని ప్రారంభించారు. చంద్రబాబు సహకారంతో పెద్దకడబూరు మండలాన్ని అభివృద్ధి చేస్తానన్నారు. తారాపురం, చిన్నకడబూరు, నౌలేకల్‌ గ్రామాల్లో వైకాపా కార్యకర్తలు తెదేపాలో చేరారు. తెదేపా రైతు సంఘం రాష్ట్ర అధికార ప్రతినిధి రమాకాంతరెడ్డి, బసలదొడ్డి ఈరన్న,  పాల్గొన్నారు.