పెత్తందారుల రాజ్యం పోవాలి.. ప్రజా పాలన రావాలి

గోనెగండ్లలో ప్రజలకు అభివాదం చేస్తున్న ఎమ్మిగనూరు ఎమ్మెల్యే అభ్యర్థి బీవీ, కర్నూలు పార్లమెంటు అభ్యర్ధి పంచలింగాల నాగరాజు

గోనెగండ్ల, న్యూస్‌టుడే: రాష్ట్రంలో పెత్తందారుల రాజ్యంలో ప్రజలు విసిగిపోయారని, ప్రజా పాలన రావాలని కోరుకుంటున్నారని ఎమ్మిగనూరు తెదేపా అభ్యర్థి బీవీ జయనాగేశ్వరరెడ్డి, కర్నూలు ఎంపీ అభ్యర్థి పంచలింగాల నాగరాజు అన్నారు. శనివారం గోనెగండ్లలో నిర్వహించిన జయహో బీసీ సదస్సులో వారు మాట్లాడారు. ముఖ్యమంత్రి రాష్ట్రంలో అన్ని వర్గాలను అణగదొక్కి జగన్‌మోసాలరెడ్డిగా నిలిచారన్నారు.  కర్నూలు కరవు ప్రాంతంలో ప్రజలు పడుతున్న సమస్యలను గుర్తించి, నివేదికను ముఖ్యమంత్రి దృష్టికి తీసుకెళ్తే  చెత్తబుట్టలో వేశారని ఎంపీ సంజీవకుమార్‌ అన్నారు.మైనార్టీ సెల్‌ రాష్ట్ర నాయకుడు మౌలానా ముస్తాక్‌ అహ్మద్‌ మాట్లాడుతూ.. వైకాపా ఐదేళ్ల పాలనలో ముస్లిం, బీసీ, ఎస్సీలపై దాడులు చేసి వారి ఎదుగుదలను నిలిపివేశారన్నారు.