వైకాపాకు రోజులు దగ్గరపడ్డాయి

మాట్లాడుతున్న మాజీ ఎమ్మెల్యే గౌరు చరితారెడ్డి

కల్లూరు గ్రామీణ, న్యూస్‌టుడే: వైకాపా ప్రభుత్వానికి రోజులు దగ్గర పడ్డాయని.. ప్రజలు ఓటుతో తగిన బుద్ధి చెప్పేందుకు సిద్ధంగా ఉన్నారని మాజీ ఎమ్మెల్యే, పాణ్యం నియోజకవర్గ తెదేపా ఎమ్మెల్యే అభ్యర్థి గౌరుచరితారెడ్డి పేర్కొన్నారు. కల్లూరు మండలంలోని పెద్దకొట్టాల, చిన్నకొట్టాల, రేమడూరు, పుసులూరు, బొల్లవరం గ్రామాల్లో శనివారం పర్యటించారు. చంద్రబాబునాయుడు అధికారంలోకి రాగానే సూపర్‌ సిక్స్‌ పథకాలు అమలు చేస్తారన్నారు..వైకాపా హయాంలో అన్ని వర్గాల ప్రజలు ఇబ్బందులు పడుతున్నారని ఆవేదన వ్యక్తం చేశారు. చిన్నకొట్టాలకు చెందిన పలువురు వైకాపా నాయకులు ఆమె సమక్షంలో తెదేపాలో చేరారు. జనసేన ఉమ్మడి జిల్లా సమన్వయకర్త చింతా సురేష్‌బాబు, కల్లూరు మండల తెదేపా అధ్యక్షుడు రామాంజనేయులు, మాజీ ఎంపీపీ మాధవి, తడకనపల్లె సర్పంచి సహెరాబీ, ప్రభాకర్‌రెడ్డి, మురళీరెడ్డి, రంగారెడ్డి,  పాల్గొన్నారు.