సచివాలయ సిబ్బంది సమయపాలన పాటించకపోతే చర్యలు తప్పవు

సీ బెలగల్‌: సచివాలయ సిబ్బంది సమయపాలన పాటించకపోతే చర్యలు తప్పవని ఎంపీడీవో శంకుతల అన్నారు. మండలకేంద్రమైన సీ బెలగల్‌లో శుక్రవారం మండల పరిషత్  కార్యాలయంలో ఎంపీపీ మునిప్ప అధ్యక్షతన ఏర్పాటు చేసిన సర్వసభ్య సమావేశంలో ఆమె పాల్గొని మాట్లాడారు. ఈ విషయంపై గ్రామ పంచాయతీ కార్యదర్శులకు కూడా హెచ్చరికలు జారీ చేశారు.

అనంతరం ఈవోపీఆర్డీ సందీప్‌ మాట్లాడుతూ.. ప్రస్తుతం వర్షాలు కురుస్తున్న నేపథ్యంలో  రక్షిత మంచి పథకంలో క్లోరినేషన్‌ చేయాలని, ప్రతి శుక్రవారం డ్రైడే  పాటించాలని సర్పంచులకు సూచించారు.  సమావేశానికి  గైర్హాజరైన మండల స్థాయి అధికారులకు నోటీసులు ఇస్తామని ఎంపీడీవో తెలిపారు. ఆదర్శ పాఠశాలల్లో సక్రమంగా వంట చేయని వంట ఏజెన్సీలపై చర్యలు తీసుకోవాలని సర్పంచి శ్రీనివాసులు తెలిపారు. దీనిపై చర్యలు తీసుకుంటామని ఎంఈవో-2 ఆదమ్‌ బాషా తెలిపారు. ఈ కార్యక్రమంలో మండల ఉపాధ్యక్షులు మంగమ్మ, బీసమ్మ, ఎంపీటీసీలు, సర్పంచులు  తదితరులు పాల్గొన్నారు.