మహానంది క్షేత్రంలో భక్తుల రద్దీ

కామేశ్వరి ఆలయంలో దర్శనం చేసుకుంటున్న భక్తులు  

మహానంది, న్యూస్‌టుడే: మహానంది పుణ్యక్షేత్రంలో శనివారం భక్తుల రద్దీతో సందడి నెలకొంది. వరుసగా సెలవులు రావడంతో రెండు తెలుగు రాష్ట్రాలకు చెందిన భక్తులే కాకుండా కర్ణాటక, తమిళనాడు, మహారాష్ట్ర నుంచి మహానందికి తరలివచ్చారు. తెల్లవారుజామున నుంచే కోనేరులో పుణ్యస్నానాలు ఆచరించి, శ్రీకామేశ్వరీదేవి సహిత మహానందీశ్వర స్వామివార్లను దర్శించుకున్నారు. అభిషేకం, కుంకుమార్చన తదితర పూజా కార్యక్రమాలు చేసి మొక్కులు తీర్చుకున్నారు. భక్తులు అధికంగా రావడంతో ఆలయ ప్రాంగణం కళకళలాడింది.