ఈ-ఆటోల లక్ష్యానికి తుప్పు

 కదలక మెదలక: నగరంలోని సంక్షేమ భవన్‌లో కదలని ఈ-ఆటోలు  నిర్లక్ష్యానికి వరుస కట్టాయి: నిర్వహణకు నోచుకోక ఇలా మూలకు నెట్టారు

చెత్త సేకరించి.. సంపద సృష్టించాలనే ఆలోచన పుట్టింది. రూ.లక్షలు ఖర్చుపెట్టారు.. ఆటోలు కొనితెచ్చారు.. ఆచరణ లేక తుప్పుపట్టించారు. ఇదీ ఈ-ఆటోల పరిస్థితి. కర్నూలు నగరంలోని సంక్షేమ భవన్‌లో ఈ-ఆటోలన్నీ మూలకు చేరి తుప్పుపట్టిపోతున్నాయి. కొన్ని చెత్తలో కూరుకుపోయాయి. పంచాయతీలకు ఎస్సీ కార్పొరేషన్‌ ద్వారా లబ్ధిదారులను ఎంపిక చేసి, మంజూరైన ఈ-ఆటోలను అందించాలనేది ఈ పథకం ఉద్దేశం. వీటిని తీసుకునేందుకు లబ్ధిదారులు ముందుకు రాకపోవడంతో మూలకు చేరి, తుప్పుపట్టిపోతున్నాయి. రూ.లక్షల ప్రజాధనం కళ్లెదుటే తుప్పుపట్టిపోతోంది. ఆయా పంచాయతీల్లో చెత్త నిర్వహణ కోసం లబ్ధిదారులకు పంపిణీ చేసినా.. ఆశించిన ఫలితం లేకండాపోయిందని అధికారులు చెబుతున్నారు. ఇక ఈ-ఆటోల సంగతి ఇంతేనేమో మరి. 

ఈనాడు, కర్నూలు