సీపీఎస్‌ రద్దు చేయాల్సిందే

నంద్యాల గాంధీచౌక్‌, న్యూస్‌టుడే: సీపీఎస్‌ను రద్దు చేసి వెంటనే పాత పింఛను విధానం అమలుచేయాలని ఎస్‌టీటీఎఫ్‌ (షెడ్యూల్డు ట్రైబల్స్‌ టీచర్స్‌ ఫెడరేషన్‌) జిల్లా అధ్యక్ష, ప్రధాన కార్యదర్శులు నాగరాజు, రామకృష్ణ డిమాండ్‌ చేశారు. నంద్యాల పట్టణంలోని కార్యాలయంలో ఆదివారం వారు మాట్లాడారు. వైఎస్‌ జగన్‌మోహన్‌రెడ్డి పాదయాత్ర చేసే సమయంలో తాము అధికారంలోకి వచ్చిన వెంటనే సీపీఎస్‌ రద్దు చేస్తామని హామీ ఇచ్చారని.. ఇప్పటివరకు పట్టించుకోలేదని ధ్వజమెత్తారు.  ఇకనైనా స్పందించకుంటే పెద్దఎత్తున ఉద్యమాలు చేస్తామని హెచ్చరించారు. ఈ సమావేశంలో గౌరవ అధ్యక్షుడు జవహర్‌లాల్‌ నాయక్‌, నాయకులు రాము, కేశాలు నాయక్‌, ప్రభాకర్‌, కుమార్‌ తదితరులు పాల్గొన్నారు.