బడి బయట పిల్లల సమాచారం ఇవ్వాలి

నంద్యాల పట్టణం, న్యూస్‌టుడే: గ్రాస్‌ ఎన్‌రోల్‌మెంట్‌ సర్వే 100 శాతం పూర్తయిన తర్వాత మిగిలి ఉన్న డ్రాపవుట్లను గుర్తించి సంబంధిత అధికారులకు సమాచారం ఇవ్వాలని జిల్లా కలెక్టర్‌ డా.మనజీర్‌ జిలాని సామూన్‌ తెలిపారు. 5 నుంచి 18 ఏళ్లలోపు పిల్లలందరినీ పాఠశాలల్లో చేర్పించామని ఆయన సోమవారం ఒక ప్రకటనలో వెల్లడించారు. అన్ని మండలాలకు జిల్లా అధికారులను ప్రత్యేక అధికారులుగా నియమించామన్నారు. సంబంధిత మండలాల్లో 30 గృహాలను ఒక్కొక్క అధికారి తనిఖీ చేసి నివేదికలు ఇస్తున్న నేపథ్యంలో ఏ ఒక్క పిల్లవాడు బడి బయట ఉండకుండా ఉండాలన్నదే ప్రధాన ఉద్దేశమని తెలిపారు. వాలంటీర్లు ఇంటింటికి తిరిగి బడి బయట ఉన్న పిల్లలను పాఠశాలలకు పంపించేందుకు తల్లిదండ్రులను ప్రోత్సహిసున్నారని వివరించారు.