‘ఈనాడు’ కార్యాలయంపై దాడి పిరికిపంద చర్య

ఆందోళన చేస్తున్న సీపీఐ నాయకులు

కర్నూలు బి.క్యాంపు, న్యూస్‌టుడే: పత్రికా కార్యాలయాలపై దాడులు పిరికిపంద చర్య అని సీపీఐ నాయకులు అన్నారు. పాణ్యం ఎమ్మెల్యే కాటసాని రాంభూపాల్‌రెడ్డి అనుచరులు కర్నూలు ఈనాడు కార్యాలయంపై దాడి చేయడాన్ని నిరసిస్తూ గురువారం కలెక్టరేట్‌ వద్ద ఆందోళన చేపట్టారు. పార్టీ నగర సహాయ కార్యదర్శి మహేశ్‌, జిల్లా సహాయ కార్యదర్శి మునెప్ప, నగర కార్యదర్శి రామకృష్ణారెడ్డి మాట్లాడారు.  ఈ కార్యక్రమంలో నాయకులు చంద్రశేఖర్‌, నాగరాజు, నల్లన్న, ఈశ్వర్‌, రెహమాన్‌, శ్రీనివాసులు, నాగేంద్రమ్మ, వెంకటేశ్వరమ్మ, ఆనందమ్మ తదితరులు పాల్గొన్నారు.