నాసిరకం విత్తనాలు అమ్మారని రైతుల ఆందోళన

ఆదోని మార్కెట్: ఆదోని పట్టణంలోని గీత విత్తన దుకాణదారులు తమకు నాసిరకం విత్తనాలు అంటగట్టారని ఆదోని మండలం సలకలకొండ గ్రామ రైతులు ఆందోళన చేశారు. శుక్రవారం దుకాణం ముందు రైతులు ఆందోళన నుంచి నిర్వహించారు. పంట రాకపోవడంతో మోసపోయామని గ్రహించిన రైతులు దుకాణానికి చేరుకొని యజమానిని నిలదీశారు. యజమాని పట్టించుకోకపోవడంతో పాటు నిర్లక్ష్యంగా సమాధానం చెప్పడంతో చేసేదిలేక రైతులు తమకు న్యాయం చేయాలని రహదారిపై బైఠాయించి ధర్నా నిర్వహించారు. పోలీసులు రంగ ప్రవేశం చేసిన సముదాయించే ప్రయత్నం చేసిన రైతులు వినిపించుకోలేదు. తమకి న్యాయం చేయాలని రైతులు డిమాండ్ చేశారు.