నిష్పక్షపాతంగా విధులు నిర్వహిస్తా

బాధ్యతలు స్వీకరిస్తున్న పగిడి రజని

కర్నూలు విద్య, న్యూస్‌టుడే : లోకాయుక్తకు వచ్చే కేసుల విషయంలో నిష్పక్షపాతంగా విధులు నిర్వహిస్తానని ఉప లోకాయుక్తగా బాధ్యతలు చేపట్టిన పగిడి రజని అన్నారు. కర్నూలు సంతోష్‌ నగర్‌లో ఉన్న లోకాయుక్త కార్యాలయంలో ఉప లోకాయుక్త సేవలను శనివారం ప్రారంభించారు. ఈ సందర్భంగా లోకాయుక్త జస్టిస్‌ లక్ష్మణరెడ్డి.. పగిడి రజనితో ప్రమాణస్వీకారం చేయించారు. అనంతరం వేద పండితుల ఆశీర్వచనాల మధ్య ఆమె బాధ్యతలు స్వీకరించారు. ఈ సందర్భంగా సిబ్బంది ఆమెకు అభినందనలు తెలిపారు. ఈ కార్యక్రమంలో జిల్లా జడ్జి శ్రీనివాసరావు, రిజిస్ట్రార్‌ వెంకటేశ్వరరెడ్డి, డిప్యూటీ రిజిస్ట్రార్‌ పోలయ్య, ఏఎస్పీ నాగరాజు తదితరులు పాల్గొన్నారు.