బంగ్లా దంపతులు.. పర్యావరణ హితులు

వాతావరణ కాలుష్యం, పర్యావరణ పరిరక్షణపై ప్రజల్ని చైతన్యపర్చేందుకు సైకిల్‌యాత్ర చేపట్టారు బంగ్లాదేశ్‌కు చెందిన దంపతులు. తమ యాత్రలో భాగంగా గత రెండు నెలలుగా మన దేశంలోని పలు రాష్ట్రాల్లో పర్యటిస్తూ ప్రజలకు అవగాహన కల్పిస్తున్నారు. బుధవారం వారి యాత్ర నంద్యాల పట్టణానికి చేరుకుంది. ఈసందర్భంగా టెక్కెలో వారు స్థానికులతో మాట్లాడుతూ.. శిలాజ ఇంధనాలతో నడిచే వాహనాల వినియోగం వల్ల వాతావరణ కాలుష్యం పెరిగిపోతోందన్నారు. దీనివల్ల ఓజోన్‌ పొర దెబ్బతిని భావితరాల మనుగడకు తీవ్ర ముప్పు పొంచి ఉందని ఆందోళన వ్యక్తం చేశారు. కాలుష్య రహిత వాహనాలు వాడటంతో పాటు పచ్చదనాన్ని పెంచేందుకు ప్రతిఒక్కరు కృషి చేయాలని పిలుపునిచ్చారు.

న్యూస్‌టుడే, నంద్యాల బొమ్మలసత్రం