మంటలు అంటుకుని గడ్డివాము దగ్ధం

హాలహర్వి: హొళగుంద మండలం నెరణికి గ్రామంలో ప్రమాదవశాత్తు గడ్డివాములు కాలి బూడిదైన సంఘటన గురువారం చోటుచేసుకుంది. స్థానికులు తెలిపిన వివరాల మేరకు.. గ్రామానికి చెందిన రైతులు గ్రామ శివారులో గడ్డివాములు ఏర్పాటు చేసుకున్నారు. అయితే వాటికి ప్రమాదవశాత్తు నిప్పు అంటుకుంది . దీంతో 7 గడ్డివాములు అగ్నికి ఆహుతయ్యాయి. వెంటనే గమనించిన స్థానికులు మంటలు ఆర్పేందుకు ప్రయత్నించారు. అగ్నిమాపక సిబ్బందికి సమాచారం అందించడంతో వచ్చి మంటలు అదుపు చేసినట్లు స్థానికులు పేర్కొన్నారు. ఈ ప్రమాదంలో సుమారు రూ. 4లక్షలు ఆస్తి నష్టం వాటిల్లింది.