ఓట్ల కోసమే వస్తారా?

కౌతాళం: ఓట్ల కోసమే మా వాడలోకి వస్తారా? అని వైకాపా నేతలను మహిళలు ప్రశ్నించారు. కౌతాళంలోని ఎన్టీఆర్ కాలానీలో ఎన్నికల ప్రచారం నిర్వహిస్తున్న ఎమ్మెల్యే బాలనాగిరెడ్డి కుమార్తె ప్రియాంకను స్థానిక మహిళలు నీలాదీశారు. ఎన్నికల సమయంలో ఓట్ల కోసం మాత్రమే వస్తున్నారు. తమ సమస్యలు పరిష్కరించడంలేదని స్థానికులు ఆవేదన వ్యక్తం చేశారు. కాలానీలో సీసీ రోడ్డు, డ్రైనేజీ నిర్మాణం, తాగునీటి సమస్యలను ఎప్పుడు పరిష్కరిస్తారని వారు ప్రశ్నించారు. వైకాపా నేతలు అధికారంలోకి వచ్చిన వెంటనే సమస్యలు పరిష్కరిస్తామన్నారు.