రాష్ట్ర స్థాయి కబడ్డీ పోటీలు ప్రారంభం

రాజోలి: శ్రీ పోతులూరి వీరబ్రహ్మేంద్ర స్వామి జాతర సందర్భంగా వడ్డేపల్లి పురపాలిక పరిధిలోని పైపాడ్ గ్రామంలో ఆదివారం కబడ్డీ పోటీలు ప్రారంభమయ్యాయి. గ్రామ యువత ఆధ్వర్యంలో నిర్వహించిన ఈ పోటీలను మాజీ జెడ్పీటీసీ శ్రీనివాసులు రిబ్బన్ కట్ చేసి ప్రారంభించారు. అనంతరం ఆయన క్రీడాకారులను పరిచయం చేసుకొని క్రీడలు గ్రామ ఐక్యతగా నిలుస్తున్నాయన్నారు. మూడు రోజులపాటు ఈ పోటీలను నిర్వహిస్తామని పేర్కొన్నారు. కార్యక్రమంలో బోయ ఎల్లప్ప, బోయ తిమ్మప్ప, తిమ్మారెడ్డి, కొండలు, పింజర్ లాల్, బీచుపల్లి, వేణు, మాధన్న  తదితరులు పాల్గొన్నారు.