రోడ్డు మార్గాన రాయచూర్‌కు కర్ణాటక గవర్నర్‌

గవర్నరుకు మొక్క ఇచ్చి స్వాగతం పలుకుతున్న కమాండెంట్‌ సాంబయ్య

కేటీదొడ్డి, న్యూస్‌టుడే : రాయచూర్‌లోని వ్యవసాయ విశ్వవిద్యాలయ వార్షికోత్సవానికి కర్ణాటక గవర్నర్‌ థావర్‌ చంద్‌ గహ్లోత్‌ గురువారం హాజరయ్యేందుకు హైదరాబాదు నుంచి గద్వాల్‌ మీదుగా రాయచూర్‌కు బుధవారం రోడ్డు మార్గాన వెళ్లారు. కృష్ణా బ్రిడ్జి మరమ్మతుల కారణంగా అక్కడ రాకపోకలు నిలిపివేయడంతో గద్వాల్‌ మార్గాన గవర్నర్‌ వెళ్లినట్లు అధికారులు తెలిపారు. గవర్నర్‌ వస్తుండటంతో కర్ణాటక, తెలంగాణ పోలీసు బృందాలు రహదారుల్లో విస్తృతంగా తనిఖీలు చేపట్టాయి.

ఇటిక్యాల: కర్ణాటక గవర్నర్‌కు ఇటిక్యాల తహసీల్దార్‌ నరేందర్‌ ఎర్రవల్లిలో స్వాగతం పలికారు. రాయచూర్‌కు వెళ్తున్న ఆయన కొద్దిసేపు ఎర్రవల్లిచౌరస్తాలోని పదో పటాలంలో సేదతీరారు. కమాండెంట్‌ సాంబయ్య మొక్కను అందించి స్వాగతం పలికారు.