నిబంధనల ప్రకారం పని చేయండి

పాన్‌గల్‌: ఉపాధి హామీ పథకంలో పనులు చేసే కూలీలు నిబంధనల ప్రకారం పని చేయాలని వనపర్తి డీఆర్‌డీవో ఉమాదేవి అన్నారు. గురువారం పాన్‌గల్ మండలంలోని అన్నారం, తండా, గోపులాపూర్ గ్రామాలలో ఆమె పర్యటించారు. గ్రామాలలో నర్సరీలను ఉపాధి పనులను పరిశీలించారు. కూలీలు పనిచేసే చోట మంచినీటి వసతి కల్పించాలని పంచాయతీ కార్యదర్శులకు  సూచించారు. గోపులాపూర్ గ్రామంలో ఆసరా పింఛన్ల పంపిణీని  తనిఖీ చేశారు. పింఛను తీసుకున్న లబ్ధిదారులకు ఎప్పటికప్పుడు రసీదులు ఇవ్వాలని బీపీఎంకు ఆదేశించారు. ఆమెతోపాటు ఎంపీడీవో కోటేశ్వర్, ఏపీవో కురుమయ్య, ఆయా గ్రాముల ఉపాధి సిబ్బంది, పంచాయతీ కార్యదర్శులు పాల్గొన్నారు.