విద్యార్థులకు ఇబ్బందులు కలగొద్దు: డీఈవో

ఆరెగూడెంలో పనులు పరిశీలిస్తున్న రాధాకిషన్‌

వెల్దుర్తి, న్యూస్‌టుడే: అమ్మ ఆదర్శ పాఠశాలల్లో జరుగుతున్న పనులను జూన్‌ 5లోగా పూర్తి చేయాలని జిల్లా విద్యాధికారి రాధాకిషన్‌ తెలిపారు. శనివారం వెల్దుర్తి మండలంలోని ఆరెగూడెం, ఉప్పులింగాపూర్, ఉప్పులింగాపూర్‌ తండా, ఎదులపల్లి, బండపోసానిపల్లి పాఠశాలల్లో జరుగుతున్న అమ్మ ఆదర్శ పాఠశాల పనులను పరిశీలించించారు. ఉప్పులింగాపూర్, ఎదులపల్లి పాఠశాలల్లో పనులు నత్తనడకన జరుగుతుండడం పట్ల అసహనం వ్యక్తం చేశారు. చకచకా పనులను చేయాలని నిర్మాణ కార్మికులకు చెప్పారు. పాఠశాలలు ప్రారంభం అయ్యేలోగా పనులు పూర్తి చేస్తే విద్యార్థులకు ఇబ్బందులు తప్పుతాయని చెప్పారు. మండల విద్యాధికారి అరికెల యాదగిరి, సీఆర్‌పీ రాజు పాల్గొన్నారు.