రీజినల్‌ రింగ్‌రోడ్‌ భూనిర్వాసితులతో సమావేశం

తూప్రాన్‌లో రైతులతో సమావేశమైన ఆర్డీవో జయచంద్రారెడ్డి, ఎన్‌హెచ్‌ఎఐ అధికారులు

తూప్రాన్‌: రీజినల్‌ రింగ్‌ రోడ్‌(ఆర్‌ఆర్‌ఆర్‌) భూ సేకరణకు సోమవారం ఆర్డీవో జయచంద్ర రెడ్డి, ఎన్‌హెచ్‌ఏఐ అధికారులు ఆయా గ్రామాల భూనిర్వాసితులతో తూప్రాన్‌లో సమావేశం ఏర్పాటు చేశారు. తూప్రాన్‌ రెవెన్యూ డివిజన్‌ పరిధిలో 8 గ్రామాల మీదుగా రీజనల్‌ రింగ్‌ రోడ్డు నిర్మాణం జరగనున్న నేపథ్యంలో భూమి కోల్పోతున్న రైతులను పిలిచి మాట్లాడారు. సోమవారం నుంచి ఈ నెల 30వ తేదీ వరకు 8 గ్రామాల రైతులతో విడతల వారీగా సమావేశం నిర్వహించి వారి సందేహాలను నివృత్తి చేస్తామన్నారు. రెవెన్యూ అధికారులు, రైతులు పాల్గొన్నారు.