రైతుబంధు సమన్వయ సమితి పదవులకు రాజీనామా

డీఏవో శివప్రసాద్‌కు రాజీనామా పత్రం అందజేస్తున్న జిల్లా, మండల కోఆర్డినేటర్లు

తిసిద్దిపేట అర్బన్‌, న్యూస్‌టుడే: రైతుబంధు సమన్వయ సమితి జిల్లా కోఆర్డినేటర్‌, మండల కోఆర్డినేటర్లు పదవులకు రాజీనామా చేశారు. ఈ మేరకు కలెక్టరేట్‌లో జిల్లా కోఆర్డినేటర్‌ వంగ నాగిరెడ్డి ఆధ్వర్యంలో బుధవారం డీఏవో శివప్రసాద్‌ను కలిసి రాజీనామా పత్రాన్ని అందజేశారు. ఈ సందర్భంగా నాగిరెడ్డి మాట్లాడుతూ.. సీఎం కేసీఆర్‌ నేతృత్వంలో అయిదేళ్లుగా రైతులకు అన్ని సేవ చేశామన్నారు. నూతన ప్రభుత్వం రైతు సంక్షేమ పథకాలను కొనసాగించాలన్నారు. ప్రతిపక్ష పాత్ర వహిస్తూ పల్లెల్లో కర్షకులకు సహాయసహకారాలు అందిస్తామని పేర్కొన్నారు. ఆయన వెంట పాపయ్య, దుర్గయ్య, సంపత్‌, మోహన్‌రెడ్డి, బాల్‌రెడ్డి తదితరులు ఉన్నారు.