ఎమ్మెల్యే విద్యార్థిని జిందాబాద్‌!

ఓటేసే విద్యార్థిని వేలికి చుక్క పెడుతూ..

ఎన్నికలు అయిపోయి ఫలితాలు వచ్చాయి కదా.. ఇవేమిటని ఆశ్చర్యపోతున్నారా! మెదక్‌ జిల్లా కూచారం కస్తూర్బాగాంధీ బాలికల విద్యాలయంలో నిర్వహించిన నమూనా ‘శాసనసభ ఎన్నికలి’వి. నామపత్రాల దాఖలు, అభ్యర్థుల ప్రచారం, పోల్‌ చీటీల పంపిణీ, ఏజెంట్లు, నిర్వహణ అధికారులు, రహస్య పోలింగ్‌, ఓట్ల లెక్కింపు ఇవన్నీ ఉపాధ్యాయులు, విద్యాలయం ప్రత్యేకాధికారి కృష్ణతేజ పర్యవేక్షణలో విద్యార్థులు సమష్టిగా పక్కాగా బుధవారం చేపట్టారు. నమూనా ఎన్నికల్లో ఐదుగురు విద్యార్థి అభ్యర్థినులు పోటీలో ఉండగా ఒకరు విజేత అయ్యారు. ‘ఎమ్మెల్యే విద్యార్థిని’ని ఉపాధ్యాయులు సన్మానించారు. పాల్గొన్నవారికి ధ్రువపత్రాలు అందజేశారు. ఓటు హక్కు విశిష్టతను, ప్రజాస్వామ్యంలో ఎన్నికల నిర్వహణ తీరుపై అవగాహన కల్పించేలా నమూనా నిర్వహించామని కృష్ణతేజ తెలిపారు.

ఓటు వేసేందుకు వరుసలో నిల్చున్న బాలికలు

న్యూస్‌టుడే, మనోహరాబాద్‌