ప్రధానోపాధ్యాయుడి సస్పెన్షన్‌

ఉసిరికపల్లిలో ప్రార్థన చేయిస్తున్న ఎంఈవో బుచ్చానాయక్‌

వెల్దుర్తి, న్యూస్‌టుడే: ఈనెల 16న మెల్లూరు ప్రాథమిక పాఠశాలకు ఉదయం ఉపాధ్యాయులు విధులకు హాజరు కాలేదు. ఉపాధ్యాయురాలు రజిత సెలవుపై వెళ్లగా.. ఎంఈవో పాఠశాలను పరిశీలిస్తున్నారని తెలుసుకున్న ప్రధానోపాధ్యాయుడు వెంకట్‌రెడ్డి ఉదయం 11.30 గంటలకు వచ్చారు. ఈ విషయమై 17న ‘ఈనాడు’లో ‘గురువులు రాక.. బడి నడవక’ శీర్షికన కథనం వచ్చింది. స్పందించిన డీఈవో రాధాకృష్ణ ఎంఈవో యాదగిరితో విచారణ జరిపించి శుక్రవారం హెచ్‌ఎం వెంకట్‌రెడ్డిని సస్పెండ్‌ చేస్తూ ఉత్తర్వులిచ్చారు.

సమయపాలన పాటించకుంటే చర్యలు

శివ్వంపేట, న్యూస్‌టుడే: ఉపాధ్యాయుల ఆలస్యంపై ‘ఈనాడు’లో ‘బడి గంట కొట్టినా.. సార్లు రాలేదు!’ శీర్షికన ఈనెల 21న వచ్చిన కథనానికి ఎంఈవో బుచ్చానాయక్‌ స్పందించారు. ఉసిరికపల్లి, ఎదుల్లాపూర్‌ పాఠశాలలను శుక్రవారం సందర్శించారు. ఉపాధ్యాయులు సమయపాలన పాటించాలన్నారు. లేదంటే శాఖాపరమైన చర్యలు తీసుకుంటామన్నారు.