బాధ్యతలు స్వీకరించిన కలెక్టర్‌

సంతకం చేస్తున్న కలెక్టర్‌ వెంకట్రావు

సూర్యాపేట కలెక్టరేట్, న్యూస్‌టుడే: సూర్యాపేట కలెక్టర్‌గా ఎస్‌.వెంకట్రావు బుధవారం బాధ్యతలు స్వీకరించారు. ఈ సందర్భంగా జిల్లా అధికారులు, ఉద్యోగులు ఆయనకు పుష్పగుచ్ఛాలు అందజేసి శుభాకాంక్షలు తెలిపారు. అనంతరం నూతన కలెక్టర్‌ వెంకట్రావు మాట్లాడుతూ జిల్లాలో అభివృద్ధి సంక్షేమ పథకాలు పూర్తి స్థాయిలో జరగాలని, అధికారులు ఆ దిశగా కృషి చేయాలని సూచించారు. శుభాకాంక్షలు తెలిపిన వారిలో ఆర్డీవోలు రాజేంద్ర కుమార్‌, వెంకారెడ్డి, సీపీవో వెంకటేశ్వర్లు, డీఆర్డీవో కిరణ్‌ కుమార్‌, జిల్లా వ్యవసాయాధికారి రామారావు నాయక్‌, తదితరులు ఉన్నారు.