సాయుధ దళాల పతాక నిధికి సహకరించాలి: కలెక్టర్‌

జెండా ఊపి ర్యాలీ ప్రారంభిస్తున్న కలెక్టర్‌ ఆర్‌.వి. కర్ణన్‌

నల్గొండ అర్బన్‌, న్యూస్‌టుడే: సాయుధ దళాల పతాక దినోత్సవం పురస్కరించుకుని నిర్వహించే నిధికి ప్రతి ఒక్కరూ సహకరించాలని జిల్లా కలెక్టర్‌ ఆర్‌.వి.కర్ణన్‌ అన్నారు. సాయుధ పతాక దినోత్సవం సందర్భంగా ఎన్‌సీసీ, స్కౌట్‌, మాజీ సైనికులు గురువారం నిర్వహించిన ర్యాలీని ఆయన ప్రారంభించారు. దేశ రక్షణలో  సాయుధ దళాల పాత్ర వెలకట్ట లేనిదన్నారు. సైనిక సంక్షేమ శాఖ అధికారి మక్బూల్‌ హైమద్‌ మాట్లాడుతూ.. యుద్ధంలో గాయపడిన వీరమరణం పొందిన వారి సహాయార్థం ఆర్థికంగా చేయుటకు రాష్ట్రస్థాయిలో గవర్నర్‌ ఆధ్వర్యంలో పతాక దినోత్సవ వేడుకలు నిర్వహిస్తున్నట్లు తెలిపారు. కలెక్టరేట్‌ నుంచి గడియారం మీదుగా సైనిక సంక్షేమ శాఖ కార్యాలయం వరకు ర్యాలీ నిర్వహించారు. ఈ కార్యక్రమంలో స్థానిక సంస్థల అదనపు కలెక్టర్‌ హేమంత్‌ కేశవ్‌ పాటిల్‌, డీఎస్పీ శ్రీధర్‌రెడ్డి, శివ, నర్సింహా, అంజద్‌, హషీం, లింగయ్య తదితరులు పాల్గొన్నారు.