దివ్యాంగుల సాధికారత అవార్డులకు దరఖాస్తుల ఆహ్వానం

భువనగిరి: దివ్యాంగుల సాధికారత అవార్డులకు ఈనెల 10లోగా ఆన్‌లైన్‌లో దరఖాస్తు చేసుకోవాలని జిల్లా మహిళా శిశు, దివ్యాంగ సంక్షేమ అధికారి జి. అన్నపూర్ణ తెలిపారు. జిల్లాలో వివిధ రంగాలలో ప్రతిభ కనబరచిన దివ్వాంగులు, దివ్యాంగుల సంక్షేమం కోసం కృషి చేసిన వ్యక్తులను రాష్ట్ర ప్రభుత్వం ప్రతి సంవత్సరం అందించే రాష్ట్రీయ దివ్యాంగుల సాధికారత అవార్డ్ 2023 కోసం ఆసక్తి గల దివ్యాంగుల నుంచి, దివ్యాంగుల కోసం పనిచేస్తున్న వివిధ సంస్థల నుంచి దరఖాస్తులను ఆహ్వానిస్తున్నట్లు ఆమె తెలిపారు. ఉత్తమ ఉద్యోగి, ఉత్తమ స్వీయ ఉద్యోగి, ఉత్తమ వ్యక్తిగత సామాజిక కార్యకర్త, ఉత్తమ క్రీడా వ్యక్తి, ఉత్తమ సంస్థ, బెస్ట్ ఎంప్లాయర్, దివ్యాంగుల కోసం అందుబాటులో ఉండే విభాగం, సాంస్కృతిక కార్యక్రమాలలో వైకల్యాలున్న వ్యక్తులకు అవార్డులు అందించనున్నట్లు తెలిపారు. ఆసక్తి గల వారు ఈనెల 10 తేదీలోగా అన్ని వివరాలతో ఆన్‌లైన్‌ వెబ్‌సైట్‌లో దరఖాస్తు చేసుకోవాలని కోరారు.