తెదేపాలో చేరిన వైకాపా రాష్ట్ర మహిళా సంయుక్త కార్యదర్శి

నెల్లూరు కలెక్టరేట్‌: వైకాపా రాష్ట్ర మహిళా సంయుక్త కార్యదర్శి పెరుమాళ్ల  పద్మజా యాదవ్‌తోపాటు మరికొంతమంది ఆ పార్టీకి రాజీనామా చేసి తెదేపాలో చేరారు.  నెల్లూరు రూరల్ తెదేపా ఎమ్మెల్యే అభ్యర్థి కోటంరెడ్డి శ్రీధర్ రెడ్డి, మాజీ మేయర్ నంది మండలం భానుశ్రీ, ఆ పార్టీ నాయకుడు కోటంరెడ్డి గిరిధర్ రెడ్డి సమక్షంలో తెదేపాలో చేరారు.  ఈ సందర్భంగా  కోటంరెడ్డి శ్రీధర్ రెడ్డి వారికి పార్టీ కండువా కప్పి తెదేపాలోకి సాదరంగా ఆహ్వానించారు. ఈ సందర్భంగా కోటంరెడ్డి శ్రీధర్‌రెడ్డి మాట్లాడుతూ  పద్మజా యాదవ్ ఎక్కడ ఏ పార్టీలో ఉన్నా అంకిత భావంతో పని చేస్తారని తెలిపారు.  తెదేపా కూటమి అధికారంలోకి రావాలని, చంద్రబాబు ముఖ్యమంత్రి కావాలని  ప్రజల ఆకాంక్ష అని ఆయన అన్నారు.