అన్నివర్గాల సంక్షేమమే కాంగ్రెస్‌ లక్ష్యం

ఎల్లారెడ్డి పట్టణం: అభివృద్ధితోపాటు అన్ని వర్గాల సంక్షేమమే కాంగ్రెస్ లక్ష్యమని ఎల్లారెడ్డి ఎమ్మెల్యే మదన్ మోహన్ రావు పేర్కొన్నారు. శనివారం పట్టణ కేంద్రంలోని పార్టీ కార్యాలయంలో ఏర్పాటు చేసిన మండల, గ్రామ స్థాయి నాయకుల, కార్యకర్తల సమావేశంలో ఆయన మాట్లాడారు. కేంద్రంలో కాంగ్రెస్ అధికారంలోకి వస్తే అన్నివర్గాల సంక్షేమానికి బాటలు పడతాయన్నారు. పదేళ్లు అధికారంలో ఉన్న భారాస పాలనలో అవినీతి జరిగిందని విమర్శించారు. పార్లమెంట్ ఎన్నికలో జహీరాబాద్ ఎంపీ అభ్యర్థి సురేష్ షెట్కార్ విజయానికి కృషి చేయాలని కోరారు. ఈ కార్యక్రమంలో జడ్పీటీసీ సభ్యుడు ఉషగౌడ్, మండల, పట్టణ అధ్యక్షులు సాయిబాబా, వినోద్ గౌడ్, నాయకులు పాల్గొన్నారు.