ఆర్టీసీ కార్మికుల హక్కుల పరిరక్షణకు కృషి

కామారెడ్డి పట్టణం: ఆర్టీసీ కార్మికుల హక్కుల పరిరక్షణకు తమ వంతు కృషి చేస్తామని ఐఎన్టీయూసీ ఉద్యోగ, కార్మిక యూనియన్‌ రాష్ట్ర ప్రధాన కార్యదర్శి హన్మంతు అన్నారు. జిల్లా కేంద్రంలో శనివారం ఏర్పాటు చేసిన ఆత్మీయ సమ్మేళనానికి ముఖ్య అతిథిగా హాజరైన మాట్లాడారు. ఇటీవల సీఎం రేవంత్‌ రెడ్డిని కలిసి ఆర్టీసీని ప్రభుత్వంలో విలీనం చేసే తేదీని అధికారికంగా ప్రకటించాలని కోరామన్నారు. అనంతరం సంస్థ డిపో నూతన కార్యవర్గాన్ని ఎన్నుకున్నారు. కార్యదర్శిగా రమేశ్, అధ్యక్షుడిగా భాస్కర్‌ ఎన్నికయ్యారు. కార్యక్రమంలో ప్రతినిధులు డీవీకే రావు, మల్లేశ్, రమేశ్ తదితరులున్నారు.