పండరీపూర్‌ ప్యాసింజర్‌ తాత్కాలికంగా రద్దు

ఇందూర్‌ సిటీ, న్యూస్‌టుడే : నిజామాబాద్‌ - జానకంపేట మధ్యలో రైల్వే ట్రాఫిక్‌ బ్లాక్‌ కారణంగా నిజామాబాద్‌ నుంచి పండరీపూర్‌ వెళ్లే ప్యాసింజర్‌ రైలును మంగళవారం రద్దు చేసినట్లు దక్షిణ మధ్య రైల్వే సీపీఆర్‌వో రాకేశ్‌ ఒక ప్రకటనలో తెలిపారు. బుధవారం నుంచి యథావిధిగా నడుస్తుందని పేర్కొన్నారు. ప్రయాణికులు ఈ విషయం గమనించాలని సూచించారు.

కొనసాగుతున్న సర్వే

కామారెడ్డి పట్టణం, న్యూస్‌టుడే: జిల్లా కేంద్రంలో ఇళ్ల నిర్మాణాల కొలతలకు సంబంధించి చేపట్టిన సర్వే కొనసాగుతోంది. మే 1 నాటికి పూర్తిస్థాయి లక్ష్యాన్ని చేరుకోవాలని అధికారులు భావించినా సాధ్యపడలేదు. మొదట వాణిజ్య భవనాలకు సంబంధించిన కొలతలను మాత్రమే సిబ్బంది స్వీకరించారు. ఏడు వేల నిర్మాణాలను గుర్తించారు. అనంతరం ఇళ్ల కొలతలపై దృష్టి పెట్టి 8 వేల నిర్మాణాల సర్వే పూర్తిచేసినట్లు పురపాలక రెవెన్యూ అధికారులు వెల్లడించారు.