స్ట్రాంగ్‌రూంల పరిశీలన

లెక్కింపు కేంద్రం వద్ద అధికారులు, సిబ్బందితో మాట్లాడుతున్న జిల్లా ఎన్నికల అధికారి జితేశ్‌ వి పాటిల్‌ 

కామారెడ్డి కలెక్టరేట్, న్యూస్‌టుడే: సంగారెడ్డి జిల్లాలోని గీతం యూనివర్సిటీలో ఏర్పాటు చేసిన జహీరాబాద్‌ లోక్‌సభ స్థానం లెక్కింపు కేంద్రంలోని స్ట్రాంగ్‌రూంలను జిల్లా ఎన్నికల అధికారి జితేశ్‌ వి పాటిల్‌ సోమవారం సందర్శించారు. జిల్లాలోని కామారెడ్డి, ఎల్లారెడ్డి, జుక్కల్, బాన్సువాడ నియోజకవర్గాలకు చెందిన ఈవీఎంలను అక్కడ భద్రపర్చారు. దీంతో అక్కడికి వెళ్లిన పాలనాధికారి సీసీ కెమెరాల పనితీరు, మూడంచెల భద్రత వ్యవస్థను పరిశీలించారు. అనంతరం అక్కడి సిబ్బందికి పలు సూచనలు చేశారు.