గజలక్ష్మీ అవతారంలో దర్శనం

దేవతామూర్తులకు అలంకరణ

బ్రహ్మపుర నగరం, న్యూస్‌టుడే: గంజాం జిల్లాలోని సుప్రసిద్ధ తరాతరిణి శక్తిపీఠంలో రెండో మంగళవారం చైత్రయాత్రకు భక్తులు పోటెత్తారు. వేకువన విశేష పూజల అనంతరం దర్శనానికి భక్తుల్ని అనుమతించారు. దేవతామూర్తుల్ని గజలక్ష్మీ అవతారంతో అలంకరించామని శక్తిపీఠం కార్యనిర్వహణాధికారి (ఈఓ) తిరుమల కుమార్‌ రెడ్డి ‘న్యూస్‌టుడే’కు చెప్పారు. మధ్యాహ్నం నాటికి లక్ష మందికిపైగా భక్తులు తల్లిని దర్శించుకున్నారని ఆయన పేర్కొన్నారు. భక్తుల రద్దీని దృష్టిలో పెట్టుకుని కింద నుంచి కొండపైకి పదిహేను బస్సులను యంత్రాంగం ఏర్పాటు చేసిందని ఆయన పేర్కొన్నారు. రాష్ట్ర రెవెన్యూ శాఖ ప్రిన్సిపల్‌ కార్యదర్శి సత్యబ్రత సాహు దేవతామూర్తుల్ని దర్శించుకున్నారని రెడ్డి పేర్కొన్నారు.

తరాతరిణి దర్శనానికి వరుసలో భక్తులు