మావో డంప్ స్వాధీనం

మల్కాన్‌గిరి: మల్కాన్‌గిరి జిల్లా కలిమెల సమితిలో డీవీఎఫ్ జవాన్‌లు మావో డంప్ స్వాధీనం చేసుకున్నారు. ఈ విషయంపై మల్కాన్‌గిరి ఎస్పీ నితీశ్‌ వధ్వాని తెలిపిన వివరాల ప్రకారం.. కలిమెల సమితిలో మావో డంప్ ఉందన్న సమాచారం మేరకు బుధవారం ఉదయం డీవీఎఫ్‌ జవాన్‌లు కలిమెల సమితి దయాలుండ్ గ్రామం దగ్గర వున్న అడవిలో కూంబింగ్‌ నిర్వహించారు. అదే సమయంలో ఓ చోట మట్టికింద పాతి పెట్టి ఉన్న మావో డంప్‌ని స్వాధీనం చేసుకున్నారు. ఆ డంప్ నుంచి మొత్తం 190 జిలటిన్ స్టిక్లు, 12 టిఫిన్ బాంబులు స్వాధీనం చేసుకున్నారు. ఒకప్పుడు కలిమెల ప్రాంతం మావోయిస్టులు అడ్డాగా వున్న సమయంలో ఈ సామగ్రిలను వుంచినట్లు, ప్రస్తుతం ఆ ప్రాంతంలో మావోయిష్టులు లేకపోయినప్పటికి ఈ డంప్ చాలా కాలంగా ఉందని పోలీసులు తెలిపారు.