22 నుంచి ప్రజాగళం

హాజరుకానున్న చంద్రబాబు, పవన్‌

మాట్లాడుతున్న అదితి గజపతిరాజు

ఈనాడు-విజయనగరం, న్యూస్‌టుడే, విజయనగరం అర్బన్‌: ఎన్నికల ప్రచారంలో భాగంగా తెదేపా అధినేత చంద్రబాబునాయుడు జిల్లాలో మూడు రోజుల పాటు పర్యటించనున్నారు. ఈ నెల 22న సాయంత్రం ఆరు గంటలకు శృంగవరపుకోటకు చేరుకుంటారు. ప్రచారం అనంతరం అక్కడే బస చేసే అవకాశం ఉంది. 23న ఉదయం 11 గంటలకు గజపతినగరం వెళ్లి, మహిళలతో సమావేశమవుతారు. 24న జనసేన అధినేత పవన్‌ కల్యాణ్‌తో కలిసి మధ్యాహ్నం 3 గంటలకు నెల్లిమర్ల చేరుకుంటారు. అక్కడి నుంచి విజయనగరంలోని బాలాజీ కూడలిలో జరిగే ప్రజాగళం సభలో పాల్గొంటారు. ఈ మేరకు విజయవంతం చేయాలని కూటమి విజయనగరం నియోజకవర్గ అభ్యర్థిని అదితి గజపతిరాజు కోరారు. అశోక్‌ బంగ్లాలో శనివారం నిర్వహించిన విస్తృతస్థాయి సమావేశంలో ఆమె మాట్లాడారు.