ముమ్మరంగా వాహన తనిఖీలు

బలిజిపేట: ఎన్నికల నామినేషన్ల నోటిఫికేషన్‌ విడుదల చేసిన అనంతరం పోలీసులు ముమ్మరంగా తనిఖీలు చేపట్టారు. రాజకీయ పార్టీల అభ్యర్థులు ధనం, మద్యం, సామగ్రిని అక్రమంగా తరలించకుండా ఉండేందుకు జిల్లాలోని అన్ని ప్రాంతాల్లో ప్రత్యేక తనిఖీ బృందాలను ఎన్నికల కమిషన్‌ ఏర్పాటు చేసింది. ఇందులో భాగంగా బలిజిపేట మండలంలోని వెంగాపురం సంతతోట కూడలి వద్ద రెవెన్యూ, ప్రత్యేక పోలీసు అధికారుల బృందంతో ఏర్పాటు చేసిన చెక్‌పోస్టు వద్ద ఆదివారం ఎస్‌ఐ పాపారావు, రెవెన్యూ సిబ్బంది ముమ్మరంగా తనిఖీలు చేశారు. ద్విచక్ర, నాలుగు చక్రాల వాహనాలను తనిఖీ చేసి వాటి పత్రాలను, వాహనాల్లో ఉన్న సామగ్రిని పరిశీలించారు.